Then lohna ram ka ngai e,
MKHTB(1936) 174
Ṭhen lohna ram ka ngai e,
Imanuela ram;
Ṭhenna tur ni kawlah a lo chhuak leh ta e,
Ka ngai, ṭhen lohna Zion tlang mawi chu.
Ka ngai, van pangpar vulna,
Aw ṭhen lohna khawpui;
Ka Lal hmel leh nunna thing kung,
Saron par mawi a vul.
Van Jerusalem mawiah,
Nunna tui a luang e;
Mita hmuh loh ram leh nunna thing kung zar mawi,
Salem tuallai-ah mi hruai lut rawh se.
Lalna ram khawpuiah chuan,
Van Beram No a leng;
Zan thim lungngaihna leh ṭahna a awm tawh lo,
"Pialral entu Lalin a ṭhu," an ti.
Lalna khawpui chanchin chu,
Hril sen rual a ni lo;
Ka Lal Chhandamtu leh Serafim zai remna,
Lal lenna Zion tlang mawi ropui chu.
