I hmangaihna zara lawma inkhawm hnute
MKHTB(1936) 170
I hmangaihna zara lawma inkhawm hnute,
Kan lo inṭhen darh hian Chhandamtu;
Min hnemtu an awm love khawvelah,
Aw Lal Isu, kan hnenah lo leng la.
Aw cheng reng la, Lal Isu kan hnenah,
Min awmpui la, khawhar riangvai fate;
I hmelah lawmna a awm si,
Ka ngai tawp thei lawng che.
He lei hi zawng ṭapa inṭhenna hmun a ni,
Aw Lal Isu, i hmangaihna zarah;
I chatuan ram mawia kan thlen chuan,
Kan inṭhen tawh lovang ringtute hi.
Khawharin Lal Isu, tunah ka au a che,
Lo leng ta che, ka thinlung sualah hian;
Varparh arsi aiin i eng mawi zawk,
I hmelah thlamuan leh lawmna a awm.
