Khawvel ropui leh a mawina zawng aiin
MKHTB(1936) 168
Khawvel ropui leh a mawina zawng aiin,
Hmuh ka chak e, Lal Krista hmel chu;
Tih-elna puan sinin, hling an phiar khum mah se,
A mawi e-khawvel lal zawng aiin.
Aw, ka lawmna ber ka Chhandamtu,
Ka thlamuangna leh ka hlimna ber i ni;
Ṭhatnain a par - ka thinlungah,
A chul love, ka Chhandamtu.
Chhandamtu hmangaihna chu tunge sawi thei ang?
Min zawngin hrehawm tinreng a tuar;
Bethlehem leh Kalvari tlanga min zawngin,
Min hruai kir ta, hmangaihna huangah.
Lalpa, i hmangaihna hmel mawi min hmuhtir la,
Lungngai riangvai, rethei fate hian;
He khawvel hi zawng kan ngai leh tawh lo nang e,
Aw i angchhungah min pawm langin.
A lo kal leh dawn, ropuina nen, chhum chungah,
A tlansate min rawn hruai turin;
Lei hrehawm kan chhuahsanna ni chu a hnai ta,
Haleluia! ka lawm e, Lalpa.
