Ka chhandamtu chu an hruai ta kalvari tlangah
MKHTB(1936) 78
Ka Chhandamtu chu an hruai ta, Kalvari tlangah,
'Lu ruh' an tih tlang hmunah chuan;
Va ko kir la, aw ka thlarau,
Kalvari an thlenpui hma sawn,
Khawvel sual phurtu chu ka en ngam lo.
Aw, Zawlneiten an hrilhlawk ang khan,
Beram No nunnem chungah hianm
A lo thleng ta ngei maw;
Jentailte kuta mantirin,
Tlang lungngaihthlak chu an lo nghahtir.
Ka Lalpa lungngai a ṭahna Kalvari tlangah,
Ka va thleng ve thei tak ang maw?
Kei zawng kir leh rual ka ni lo,
Kalvari tlang ka thlen hma chuan;
Han thlahthlam rual leh theihnghilh rual ka ni lo.
Chu ennawm ena kal khawm lo kir leh ka hmuhin,
'Engtinnge?' tiin ka zawt a;
"Kraws lerah chuan an khai kang a,
Feiin an chhun hlum ta," an ti;
Ka Lal thihzia chu a va mak em ve aw!
