Ka awmhar lunglen chang ni hianin
MKHTB(1936) 137
Ka awmhar lunglen chang ni hianin,
Ka thlir vel he lei ram hi;
Lungngaih chhumin tlang tin a bawm,
Ka thla riang lungngaiin a vai.
Aw, min hruai la dam lai lungngaih,
Chhumpui zing hnuaiah hian;
Min awmpui la, aw ka Lalpa,
Ṭah lai ka bang ang e.
Aw ka lungkham arsi piah ram,
Angel var lungrual an lenna;
Kei khawhar, riangvai ka ṭahna -
Lungngaih chhumpui zing hnuaiah hian.
Aw ka thlarau i lungngaihna,
He lei hrehawm hi chhuah sanin;
Ṭhuro angin thlawkin leng la,
Engthawlna ram khawpuiah chuan.
Tah chuan lungngaih ṭah leh buaina,
A awm tawh lawng - Kanaan ramah;
Aw, Chhandamtu min hruai zel la,
Thihna lui ral ram mawiah chuan.
