Kumte chu an lo thar leh ta
MKHTB(1936) 135
Kumte chu an lo thar leh ta,
Mahse lunglen a zual zel thin;
Hnutiang mual liam au zel ila,
Hmangaih lenrualte an kim thin.
Aw, khawiahnge hmangaihte chu,
Lalpa'n a nghak chatuan ramah;
Lo kal ula, nunna par mawi -
Rimtui i thliak za zel ang u.
Hunte an kal liam tawh ngai lo,
Rangkachak khawpui tual nuamah;
Lungngaih bulh-puan khuma lengte,
An awm lawng-chatuan ram a ni.
Ka va ngai em, hmangaih ram chu,
I thlir ang romei kai hnuaiah;
Arsi piah van Salem thar khi,
Lungduhte lai-lenna ram chu.
Ka va nghakhlel em chu ram chu,
Nakinah chuan ka la thleng ang;
Lenrualte ṭhen ṭhin mah ila,
Tah chuan lawmin kan leng tawh ang.
