Rinin ka han thlir a ka chung van khua a lang e
MKHTB(1936) 113
Rinin ka han thlir a ka chung van khua a lang e,
Lalpa buatsaih Salem tharah khian;
Martarho leh angel varte nen,
Tunah Lalṭhuthlengah min nghak e.
Tah chuan min nghak ṭhen lohnaah,
Mahse tlante an kim hma chuan;
Lungngaih, hrehawm tuara rumte pawh,
An chawl rih ang tih Lalpan a hrilh.
Tunah ṭapin ṭhen mah ilangin ka lungduhte,
An hril lung man tam lunghlu tualah;
Ṭhenna thu reng sawi a awm tawh lawng,
Ṭhen lohna ni a lo eng zawk ang.
Aw tuna lei lungngaihna zawng zawng a ral hunin,
Beram No leh Lalṭhutthleng var chu;
A mi thianghlimte nen chatuanin,
Varparh arsi angin an eng ang.
Engtiknge Chhandamtu chatuan hmunan min thlen ang?
Lungngaih biahthu reng sawi tawh lovin;
Ṭhenna, lungngaihna nena rumte,
Lawmna thla zarin an inkhawm ang?
