Aw nang i ni ram thlakhlelhawm
MKHTB(1936) 107
Aw, Nang i ni, ram thlakhlelhawm,
Ngaia ka rum ṭhin chu;
Engtikahnge ka han hmuh dawn,
I khawpui duhawm chu?
Chu ram nuam chu ka thlir fo chuan,
Ka la hmu ngei ang chu;
Khawvel chhuahsanin ka chang ang,
Kumkhaw nawmna ram chu.
Vanhnuai mi hril Pialral ram nuam,
Tunah a inhawng mek;
Beram No lalna ramah chuan,
An chawl ang, tlansate.
Ram ni tlak ngai tawh lohnaah,
In ropui chu a awm;
An buatsaih, nang leh kei atan,
A duh apiang an sawm.
Kan mi duhte pawh an thleng ta,
Chu khawpui mawiah chuan;
Lei hrehawm hi an kalsan ta,
Kumkhaw nawmnaah chuan.
In peih la, chang ngei turin aw,
Pathian thilthlawnpek chu;
Engtia lawmna tak ni ang maw,
Chatuan Nunna hlu chu.
