Khawvel hrehawmah hian Lalpa
MKHTB(1936) 93
Khawvel hrehawmah hian Lalpa,
Ka thlir thin che, ka Chhandamtu;
Mahse sualna chhumpui zing hian,
Ka thinlung a hruai bo leh ṭhin.
Aw, ka ngai engthawlna khawpui,
Buaina chim phak ngai loh ram khi;
Aw, ka nghakhlel ka Chhandamtu -
Zara kan chenna ram tur chu.
Lei lungngaihnain min tuam a,
Lalpa i ram ka thlen hma chuan;
Min thlirtir la ṭhen loh ram khi,
Ka lungngaihna min hnemtuah.
Min chawlhtir la, hmangaih Lalpa,
Ka thlarau lungngai vakvai hi;
I angchhungah min awmtir la,
Tahchuan i lawmna a kim tawh ang.
Hnam tin chawimawi Lal ropui ber,
I hmangaihna hmel lawmawm chu;
Ka ṭhen tak lenrual te nen chuan,
Aw engtiknge kan hmuh ang che.
