Lungngaihnain min tuam vel e
MKHTB(1936) 90
Lungngaihnain min tuam vel e,
Sualin ni tin min thlem fo thin;
Aw, ka ngai che ka Chhandamtu duh tak,
Ka kulhpui leh ka Himna ber,
Min awmpui zel ang che.
Aw, ka thlir ang Lalpa,
Lungngaih chhumpui zing mah sela;
Ka thlarau chawlhna tur Zion leh,
I hmel duhawm chu.
Tunah parin lo vul leh la,
He khawvel sual thim zingah hian;
Khawvel par ni tina lawmtute hi,
I hmangaihna hriattir leh la,
An boral phal suh la.
Hmana kan lawmna leh hlimna,
Ka Lal hmel duhawm hliam hnu kha;
Tunah par ang lo chul rih mah sela,
Aw, a lo la vul leh ngei ang,
Lawma kan zai leh nan.
Aw, i thir ang Zion khawpui,
Lungduh, lenrualte an kimna;
Hmangaihte mittui nen kan thente khan,
Ni tin thlirin min lo nghak reng,
Chatuan lawm hla sa-in.
