Kan lungduh ber kan lawmna ber
MKHTB(1936) 89
Kan lungduh ber kan lawmna ber,
A lo par kan zingah;
Lungchim taka kan lawm hmain,
Ṭapin kan ṭhen leh ta.
Mihring ngaihtuah zawh rual lovin,
A lo par mawi takin;
He khawvel sual khalh chul atan,
Lalpa'n a phal ta lo.
Enga-tan-nge kan lungchhiat ang,
A Pa hnen thleng tur chu;
Van ram tual nuama leng turin,
Angelte lawm ve nan.
Tunah ṭapin ṭhen mah ila,
Lawmin kan tawk leh ang;
Chatuan hmun nuam reh lovah chuan,
Lungngaih tuar tawh lovin.
Aw, a aw ri leh hlim hmel mawi,
Min tilawmtu ber kha;
Ṭap ṭapin ka au ding zo lo,
Thihnain a hruai ta.
A va hlu em! Lalpa hming hi,
Thuin ka fak seng lo;
A hmangaihte khawvel lungngaih,
Hrehawm chungah an leng.
Thihna, thihnaah an ngai lo,
Lalpa hmangaihte chuan;
An van khawpui kawngkhar a ni,
An Pa hmel an hmuhna.
