Kan dam chhung tui fawn ang kan ni
MKHTB(1936) 81
Kan dam chhung tui fawn ang kan ni,
Sual thlipuiin a tiboral;
Sualna thlipui a tleh laiin,
Lal Isua ang hi ka hre lo.
Tunah Chhandamtuin min ko,
Chhandamna dar ri mawi tak chuan;
Chu chuan boral zawng zawng min sawm,
Thlarau lungngaite lawm rawh u.
He kawngah hian lo kal ve la,
Rei tak sual zingah awm mah la;
He kawngah hian lo kal thuai la,
Van nunna dar chu rawn pan rawh.
Tunah sawmna hi zawm ila,
Lui rala chhandam kan nih nan;
Boralna rama kan awm hi,
Kan thinlung rengin a hre lo.
Mi tam tak nun a tiboral,
Rawn pan thuai la, rawn pan thuai la;
Chhandamna dar chuan a sawm che,
Chhandamna hmun i thleng thei ang.
Thlemnaa tlute tho leh ru,
Lalpa thutiam chu hrilh rawh u;
Tupawh tawp thlenga beite chuan,
Lal fak zai hla chu an sa ang.
Chu lui ral ram Lal hnenah chuan,
An chhandamtu ngei an hmu ang;
A hmangaihna zawng zawngte pawh,
An han hmu ang - ropuina nen.
Thihna lui ral kan kai hun chuan,
Ropuina hla chu kan sa ang;
Tah chuan lungngaih a awm lo vang,
Hmangaihna Lalpa hmaah chuan.
Chutah thihnate a bovang,
Chawimawina hla chu kan sa ang;
A thisena min leitu kha,
Kan zaipui dawn ropui takin.
