Lungngaihna tuipui a lo len lai hian
MKHTB(1936) 47
Lungngaihna tuipui a lo len lai hian,
Ka ngai a che, ka Chhandamtu duhawm;
Min kalsan suh, mala ka awm lai hian,
Tin, a reh ang, lungngaih mittui zawng hi.
Hmana Gosen rama i len ang khan,
Lo leng la Chhandamtu, lungngaih a fawn;
Tin a lo bang ang, lungngaihna zawng hi,
Ka zai ang a, thlan hmun rehnaah hian.
I lenna Zaion ka thlen hma loh chuan,
Ka bang lo vang, lungngai ka ṭahna zawng;
Aw, min hruai la, I siam Edenah chuan,
Hmuh ka chak, I hmel duhawm hiam hnu kha.
Tin, ka han thlen ve hunah chuanin aw,
Puan var sin hmel duhawm tam takte nen;
Kan chatuan Lalpa chu kan fak tawh ang,
Mittui tlak leh lungngaihna a bovang.
