A va kiam sawt em kan dam lai nite chu
MKHTB(1936) 40
A va kiam sawt em, kan dam lai nite chu,
Kan lawmnaten mual an liam leh ṭhin;
Kir zai relin ka ring si lo,
Ngaiin thlir mah ila.
Lungduh lenrualte u, inṭhen rih mah ila,
Hlim leh lawma lungrual takin;
Kan lai kawng chhuk chhovah hian,
Kan Lalpa rawng i bawl ang u.
Zan thim hnuai leh chhun khawharah pawh hianin,
Lei hrehawmna hianin min tibuai;
Kan lungngaihna lawmah chang se,
Kan ṭah lai bang ila.
Lalpa min kai ang che lenrual duhte nen,
I lenna zaia kan pan theih nan;
Inṭhen reng kan hlau tawh lo vang,
Lungngaih buaina piahah.
Luaithli nula inṭhen an hlau tawh ngai lo,
Arsi piah ram mawia lengte chuan;
Zai an rem e an ri mawi nen,
Ropuina zam velah.
