Lui ral ram nuama van mite khian
MKHTB(1936) 32
Lui ral ram nuama van mite khian,
Hmel eng mawi tak puin min thlir ṭhin;
Lungngaihna leh buaina kalsanin,
Ṭhahnemngai takin chutah min nghak.
Chu van in kawng chu thlir zel ang che,
Hmangaihte lawma an kalna chu;
Zing anga eng mawi hmel duhawm pu,
Lungduh an liamna thlir zel ang che.
Chu lui kamah chuan n leh paten,
Lawng mi chagn rengin zawh hun an nghak;
Tuipui chungah chuan hmangaihte nen,
Chawlhna hmun nuam lam pan chu an duh.
Unau lungrual takte an kal ta,
Mi dang kal ve turte lo nghakin;
Hlim takin angel varte nen khian,
Hmangaih kal tur apiang an nghak thin.
Aw van in eng naupang ngaihawmten,
Lei mite nghakin an ko fova;
Ni eng leh dai tla anga fimin,
An nute bo hlauvin an thlir ṭhin.
Varparh Arsi Chhandamtu Isuan,
Vakbo retheite a rawn zawng ta;
A kohna aw lawmawm chu ngai r'u;
"Mi sual lo haw rawh," tiin min ko.
