Aw ka chenna he lei hmun hi
MKHTB(1936) 31
Aw, ka chenna he lei hmun hi,
Thlaler ram ro lungngaihna chauh;
Khi lamah khian ka la leng ang,
Beram No Isua hnenah chuan.
Ka chenan tur, aw ka ram khi,
Ka ngai e, lungduh an lenna;
Thlir zel ila tlante an za-
Lenna ram nuam chu.
Ka tum, ka ram, ka chenna tur,
Leiah rethei mah ilangin;
Ka Chhandamtun retheite tan,
Lawman tuikhur hlu a hawng e.
Aw ka tlantu, i tuarna chu,
Hmangaih angin hmu thei ila;
Engkima ka Engkim i ni,
Ka thlarau tan Engkim i ni.
Rangkachak tual nuama leng tur,
I tuarnain a man tawk e;
Aw, min hmangaihna a lo ni,
Kei mi rethei tan.
Aw Lal Isu, hmu thei ila,
Lungduh zawng tual an lenna chu;
Kalvaria hmangaihna zarah,
Chi tin, hnam tinte an leng za.
Kei pawh i retheihna zarah,
Thlaler ram ro ka chhuahsan ang;
Aw ka Lalpa, min hruai ang che,
Hmangaihna ramah.
Khawvel a ropui leh lawmna,
A ral zel ang -a mawina nen;
Chhandamtu kiangah ka leng ang,
A ropuina zam velah chuan.
Lei lawmnate ka ngai lo vang,
Tin, a hmangaih chhungah chuanin;
Chatuan lawm hla kan sa tawh ang,
Beram No hmaah.
