He khawvela ka len lai hian
MKHTB(1936) 25
He khawvela ka len lai hian,
Ni tin buainain min bawm;
Thihna lui Jordan ka kai hma chuan,
Lalpa, lungngaihna a zual zel thin.
Aw min thlirtir la, i siam Salem,
Lungduh angel lai lenna, then lohna ram chu;
Aw, engtiknge ka han thlen ve ang?
Hmana lungngaia rumte chuan,
Chu hmun ropui an thlen chuan;
Kal hamsa leh angel var rual nen,
Aw Salem Lalpa fakin an zai.
An chatuan lawm hla sakpuian,
Aw, min au hmangaih kalten;
An ri mawi leh thawm chu ka hriatin,
Aw chu hmun ropui ngaiin ka ̕ṭap.
Ka va ngai em, Imanuel,
I siam Salem thar nuam chu;
Ka lenna thlaler a ni Lalpa,
Aw thlen loh ka hlau min hruai ang che.
