He khawvel lungngaihna zawng zawng
MKHTB(1936) 22
He khawvel lungngaihna zawng zawng,
Pelin chatuan lawmna ramah;
A hmangaihna thla zar hnuaiah,
Ka ngaih Lalpa'n min awm ang.
A awm tawh lawng inṭhennate,
Lungngaih buaina, mittui tlak nen;
Kan Chhandamtu Lal Isuan,
"Ka hrufai tawh ang," a ti.
Chhandamtu chuan ahan buatsaih,
Lawmna khawpui, eng leh mawi chu;
Chu hlimna hmun ropuiah chuan,
Chatuanin kan cheng reng ang.
Lawm takin van angel var nen,
Chhandam fate kan inkhawm ang;
Kumkhaw chatuan nunna changin,
Inṭhen reng kan hlau lo vang.
Thlir ila Kalvari tlangah,
A lang e, kan chenna ram tur;
'Van Beram mNo a leng,' an ti,
Chu ram eng ropui hmunah.
Chhandamtu hmangaihna zarah,
Kei pawh a ropuina changin,
Chu ram enga ka len hun chuan,
Aw, ka fak lo thei lo vang.
