Isua hmangaihna ka lo hriatin
KHTB(1936) 6
Isua hmangaihna ka lo hriatin,
Lawmin amah ka pan ang;
A hmangaihna thute ka hriatin,
Lawmin ka fak zel ang a.
Amah ka pana lawmna ka hmu,
Ka thlarau pawh a chhandam;
Vanah ka tan hmun buatsaih-ah chuan,
Chatuanin ka chawl ang a.
Ka lungngaihna zawng zawng a kalpui,
Lawmin ka awm tawh ang a;
A hnena chatuan lawmna awm chu,
Lawm takin ka chang tawh ang.
Rei lo tean a lo kal thuai ang,
A hmangaihte hruai turin;
A van in nuamah chuan a hruai ang,
Hlim tawp lo ram nuamah chuan.
Ni tin sualnain min vel mah se,
Huai takin ka ding ang a;
Isua ropuina chuan min pui ang;
Thlemnate ka ngam ngei ang.
Khawvel sualna ata ka chhuak ta,
Thianghlimin ka awm ang a;
Isua ropuina engah chuanin,
Chatuanin ka leng ang a.
