Ka chhandamtu chu an hruai ta
KHTB(1936) 5
Ka Chhandamtu chu an hruai ta,
Kalvariah, Kalvariah.
Kraws rit tak chu an puttir a,
Chau em emin a tlukpui a;
En ru, Pathian Beram No chuan,
Khawvel sualna a phur zo ta.
Mi sualte chuan an khaikang a,
Kalvariah, Kalvariah.
Cheksawlhna lukhum khumtirin,
Thing anchhedawngah a rum a;
Tun lai pawhin ka sualna chuan,
Hling aiin a chhun na zawk ṭhin.
Hlimna tuipui fim ka in ta,
Kalvari tlanga luang chhuak kha.
Van lallukhum kan khum theih nan,
Ama'n hlinglukhum a lo khum;
Min hmangaihzia ka sawi thei lo,
Lalpa, ka fak ka fak ang che.
Ka Chhandamtu chu a thi ta,
Kalvariah, Kalvariah.
A tuarnate chu ka hriatin,
Ka sual chhumpui zing a kiang ṭhin;
'Thisen hluin ka tlan tawh che,
Sual bawi ata chhuak rawh,' min ti.
Rangkachak lallukhum aiin,
A hling lukhum a mawi zawk e;
Khawvel mawina ber ai pawhin,
A tlawm lai ber pawh a mawi zawk;
A thuam famkima inthuam chu,
Eng ang takin lo mawi ang maw!
