Hmusitna suonglung dawm hmang a ni tah
KHTB 370
FE SUOK EI TIU
Hmusitna suonglung dawm hmang a ni tah,
Ei doralhai chu do ṭan ei tiu leh;
Chanchinṭha chengrang chawia ei do chun,
Ram chu ei ta ding vawng ning a tih.
Horeb tlanga hin ei cham sawt ta ngei,
Insawn a hun tah Zion nauhai di'n;
Zan a ni ding an tah, ṭhalaihai tho ro,
Lalpa'n a tiem ram, Kanaan ram panin,
Insawn ei ta, fe suok ei tiu.
Lova bu hai khawm an lo hmin zo tah,
Sik ding a tama, thawtu an tlawm si;
Thlarau bohmang mek an la tam ngei de,
Sik dingin ṭhalai fe suok ei tih.
Hriltu um lovin tu'n am hrieng an ta?
Hre lo hriltu ding, tu am fe suok ding?
An thisen maw ei chungah an nghat si,
Hril dingin ̕ṭhalai fe suok ei tiu.
Mani thaw suok rama kal chawi dingin,
Ringna sukhratin huoisen ei tiu leh;
Ei chunga hin Lalpa a lawm phawt chun,
Zalenna ni kawl hung eng a tih.
