Ka lungngai ni le ka lawmlai ni ah
KHTB 365
Ka lungngai ni le ka lawmlai ni ah,
Iengkim ka hril hlak hmangaitu Lalpa;
Ka hraw lam tluong hi hraw an tak ngei ie,
Ka fe thiem awm nawh Lalpa ka ko che.
Nangni sin inrim le phurrik phurhai,
Hung ro kei in lo inchawi tir ka cheu;
Ka ringkawl an hawi ka phur khawm a zang,
Tiin hmangaitu rawl ka lo hriet a.
Ka phurrik hin inkleng zai a rel nawh,
Lungngaiin kan rum khawsawt beidawng leh;
Hmatieng ka thlira buoina sum a zing,
Thu hung hril nawk rawh, ka hriet fiena ding.
Kalvari lamtluong saw ka hei thlir a,
Kraws put leh fe a, ka Lal lien (hliem) na saw;
Kraws riktak putin chauvin a tlu a,
Ka phur mi sawktu'n a tuor a lo nih.
A lo intak nawh ka hraw lam tluong hi,
Ka Lalpa hraw hnung lam tluong a ni si;
Ka lam a siem lien, ka phur a mi sawk,
Lawm hla sak ka tih, lungngai hnuoia khawm.
