Hei en tum sum lai khin
KHTB 341
BOHMANGHAI SAN DINGIN
Hei en tum sum lai khin,
Pathien tawtawrawt ri leh;
Mithienghlim lawr dingin a hung mek,
Unau, inpei tam? inngaituo rawh,
Hun lawmuma hin.
A thenin hringna an chan a,
A then an liem, chatuon meidilah;
Aw ka en ngam nawh ie!
Sansuok dingin iengtin am thawng ei ta?
Nu le pa, thuoituhai, muong lovin pen suok el tiu,
Bohmanghai san dingin.
Unau khawlam i um?
I umna hmun i hriet am?
Hung kir rawh, unau hung kir rawh ie;
Bohmangna lam lien i hraw a nih,
Unau, hung kir rawh.
En tam, ei suol leiin,
Suol nei lo, Lal Krista aw,
Hemde-in nang le kei suol phurin;
A min tlan tah unau ring el rawh,
Hun lawmuma hin.
