Turnipui hung suok sak tieng kawlrawn mawiah
KHTB 323
INKHAWMPUI TUMTIEK UM LONA RAM
Turnipui hung suok sak tieng kawlrawn mawiah,
Thena biethu mi'n hlan, lenruol ngaiumhai leh;
Hril ka hai ngei aw, ka lenruol ngaihai,
Hnuoi danin mangtha, mangtha ngawi ngawi.
Inkhawmpui ṭumṭiek ta lona ram,
Chatuonpa run mawi, Salem tharah;
Inṭhe hrim um lovin ei lengza.
Tisa dana inṭhein lunglai a na,
Lunglai nat um lona Lal Krista ngeia hin;
Ni tin le zan tinin ei inṭhe nawh,
Lengna tlang dangin kar hla sien khawm.
Ram tin le hmin tina lenruol ngaihai,
Ruomei zam kara hin ditsakna ka'n hlan che;
Immanuel, mi umpuitu Lalpa,
A chun, lenrul ngai mitthli tlak a bo.
Tho nawk Krista ram thar mawi le inhawiah,
Lenruol ngai mitthli tlak um ta lona ramah;
Ei hnuoi silfen hlipa ei leng pha chun,
Inkhawmpui ṭumṭiek um ta naw nih.
