Pa le naupa ram a her liem tienlai in
KHTB 322
SUOL HNE HRANGLAMIN KAN LAM
Pa le naupa ram a her liem tienlai in,
Suon tam a her liem Lal Krista;
Ram an din thar tah hmangaina ni a suok tah,
Van thumna a lak tunga umin.
Aw Lalpa i remruot a va mak ngei,
Hmangaina tuifinriet neka inthuk in;
Suol ieng ang khawm i ngaidam zo leiin,
Suol hne hranglamin kan lam i zarah.
Ziona chan tlukna le dalna lungpui,
Kan chang tah ie Zion nauha'n;
Thina chunga chun thu neiin hringna ramah,
Beram huongah zaten kan lut ie.
Hrem ding le hremna um nawna hmun Zion,
Mei chawk le sum dum um nawna;
A felna thisen hi thu thlung neka thalem,
A mi'n changtir sumrisang zam vel.
Hratna le thil thawtheina lei ni lovin,
Thlarau, Lalpa a zar lemin;
Ngaidamna umin thiin ei hring ta siha,
A suong ta povin Lalpa suong sien.
