Inlusu kei thotu thlarau thienghlim
KHTB 291
HARNA KAN NGAI A NIH
Inlusu kei thotu, Thlarau thienghlim,
I zirtirna kan ngai a nih;
Mi sukhar nawk rawh aw, Lalpa,
Thlarau thienghlim kan ngai a nih.
Inring takin kan hril, an rheit nawh, (v-2)
Iengtin am ning a ta, Lalpa?
Tuhin harna kan ngai a nih.
A hrila hril el le puong chu a awl,
Hringnaa hmu ding um si lo;
Tawng lo khawma chet dan a ngai,
Hril chau ela thaw um si lo.
A dawng le nei el chu a awl hlak a,
Pek-kir ruok chu a harsa hlak;
Inring taka hril hril nek chun,
Nun-a tarlang hi a tha lem.
Ngun takin aw Lalpa, mi enfie la,
Nun le chet dan a mawi am le?
Keimaah nang hung inlar la,
Tawng lovin nunin hril ka tih.
