Hi hnuoi taksa thi thei hi chu
KHTB 258
KALVARI HNENA ROPUI CHU
He hnuoi taksa thi thei hi chu,
Kum hlun ding an nawh, Lalpa;
Hnawchep le hmusitin um inla khawm,
Isu Krista ka nei che, Lalpa.
Lawm a um ngei Lalpa hnena,
Lawm a um ngei hnena ropui;
Inpak ei tiu, hnena puonzar khaiin,
Kalvaria hnena ropui tak chu.
Rinum a hung zuolin Lalpa,
Hnena hmawl min chawitir la;
Khawvel tuisuoriet infawn vel laiin,
Kan ringna hung sukpui deu deu la.
Lalpa, kan khuol zinna ram hi,
Thlemna le lungngainahai;
Nitin hung zuolin hung hrat sienla khawm,
Hnetu Lal ropui tak ka nei che.
Kalvari hnena ralthuom,
Famkim chu min chawitir la;
Isu Krista hratna zarin ral chu,
Hne pei kan tih, nangma ringsanin.
