Dam lai hringnun pielleia hin chu
KHTB 251
KA HIMNA KULPUI LAL ISU
Dam lai hringnun pielleia hin chu,
Muongna le himna a um nawh, Lalpa;
Ka thlamuongna le ka himna kulpui,
Aw Lal Isu, nang chauh hi bel ka che.
Aw Lalpa, ka ngai che, hung hnai rawh,
Ka dam lai ni hi a liem hun chena,
Thlemna turnipui do zo ding hin chu,
Nangma thangpuina hi ka ngai a nih.
Thlemna sumpui inthim hung zingin;
Hmar thlipui le ruopuiin mi nuoiin;
Chung van riel-rum le teksen tla sien khawm,
Ka himna kulpui, Lalpa, hung hnai rawh.
Vangduoinaha'n kan run a chim a,
Lungngai le thlaphang ka'n vai laiin;
Khawvela phen ding dang hrim ka hriet nawh,
Ka kulpui Lal Isu, nang chauh naw chu.
Aw Lal ropui tak, aw thil thawthei,
Ka chatuon pa i nih, ka ngai tuoin;
Ka thlamuongna le ka lawmna a kim,
Suorse hmuna ka himna i ni si.
