Aw Lalpa hnuoi le van le thil tinreng siemtu
KHTB 242
LAWM THU KAN HRIL CHE
Aw Lalpa hnuoi le van le thil tinreng siemtu,
I thil siemhai hi enin mak kan tih;
I kut suok thil ieng kima hin a'n lang,
I ropuizie le i var zie hi.
Mihriem le thilhring chi tinreng i siemhai hin,
I malsawmna tiem seng lo kan dawng hi;
Fur, thal favang le thlasik hun i siem a,
Hun tinah i malsawmna a tharin,
Kan huntawk ang peiin i mi pek;
I kuoma lawm thu hril hin kan bat tam ngei.
Bu le bal thlai fur chi tinreng thatna dinga,
A lum, a dei le a hu hai pei di'n;
Ruopui, nipui, thlifim le daidaw i pek,
A ra sik hun chenin i enkawla;
I malsawmna tiem seng lo kan dawng,
Kan lawm thu hril hin i kuom hung tlung raw se.
Kan taksa ta dinga malsawman chauh ni lo,
Kan thlarau hringna di'n i thil thlawnpek;
I naupakhat neisun i hung pek nawk a,
Lalpa kan ta di'n i lo phal a,
I kuoma lawm thu hrilin kan chawimawi che.
