Eden sulhnung suolnan a thla a zar zing ie
KHTB 235
KA ENCHIM LO
Eden sulhnung suolna'n a thla a zar zing ie,
Ka tuoi parte ka enchim lo par ang a tliek;
Lawm lai ni a liem ie, hril a hai ngei de aw,
Ka dawnin hringnun sung hin lung a awi nawh.
Mi dawnpui rawh, Lalpa,
Mi tuorpui rawh, Lalpa;
Mi fangpui rawh, sulhnung hi.
In le lo ram i sulhnunghai ka fang vel a,
I lenruolhai laituol lengna ka thlir a;
Luoithli tui ang a luong lunglai ana ngei aw,
Tap lai puon ang bang thei naw ning ka khatin.
A lengna thangvan sang, Lal nunnem ram mawi khi,
Ni tin thlir ka tih, suol le doral kara hin;
Lalpa'n a tiem lawman ro hlun a chang ding chu,
A hlim hmel le lawmna rawl mawi tak chu.
Aw kan nghil thei nawh, ka tuoi parte ka lawmna,
Intuok khawmna ropui ka nghakhla ngei de aw;
Lawman tui ang luong khawm a ta, chu pha le chun,
Hnuoi rinum hi ngai ta naw ning maw, Lalpa.
