Aw a vul lai muol a liem tah
MUOL AN LIEM AH
Aw a vul lai muol a liem tah,
Aw a sakhmel par ang a chuoi;
Tapin ka ko, lunglam kan vai,
Khawsawt tinkim po aw, ka dawn khawmin.
Aw ka hang thlir a, buoina sum khel ram saw,
A chun lawmin tuol an leng ie;
Lungngai riengvai, rimsi Lalpa,
Lal lai par tlanin an leng ie.
Hmu ka nuom ie, thlafam vang-khuo,
Hang chuon inla, hring lang tlangah;
Chu chun ka tuoi kha leng a tim?
A chun le zuo tieng hi hung thlir a tim?
Lunglo siktui thieng an dawn a,
Hawilo par vul lai an thliek a;
Mi ngai lovin muol an liem tah,
An hmangai Sandamtu kuom an tlung tah.
Mi thuoi ve rawh, ka Lal nunnem,
I lengna thangvan sanga khin;
Ka tuoi lungdit the tahai leh,
Hlim tawp ti lovin tuoi leng tang kan tih.
