Ei lungdit tak ei lawmna tak
KHTB 211
TAPIN EI INTHE NAWK TAH
Ei lungdit tak, ei lawmna tak,
A hung par eini lai;
Lungchim taka ei lawm hmain,
Tapin ei the nawk tah.
Mihriem ngaituo zo ruol lovin,
A hung par mawi takin;
Hi khawvel suol khal chul dingin,
Lalpa'n a phal ta nawh.
Ieng dingin am lungsiet ei ta,
A pa kuom tlung ding chu;
Van ram tuol inhawia lengdi'n,
Angelhai lo lawm ding.
Tuhin tapin the inla khawm,
Lawmin tuok nawk ei tih;
Chatuon hmun inhawia leng di'n,
Lungngai tuor ta lovin.
Aw a rawl ri le hlim hmel mawi,
A mi suklawmtu kha;
Tap tapin ka ko kir zo nawh,
Thinain a thuoi tah.
A va hlu de! Lalpa hming hi,
Thuin kan pak seng nawh;
A hmangaihai khawvel lungngai,
Rinum chungah an leng.
Thinna, thinaah an ngai nawh,
Lalpa hmangaihai chun;
An van khawpui kawtkhar a nih,
An pa hmel an hmuna.
