A chul ta hnung kum le ei nun hluihai
KHTB 203
A chul ta hnung kum le ei nunhluihai,
Riel angin an bo, muol an liem ta ie;
Mauruo and intuoi thar nawk an mawi nawh;
Ngir naw ni ie, ngaiin ko inla khawm.
Tlai ni tlak le lenkawl a'n nim changin,
Ei hlim ni le ei ngui lai zanhai kha;
Pielral chauh dar ang tawng nawk dingin,
An liem zo tah, hnung tieng ngha ta lovin.
Sienkhawm, kum thar siemtu ropui ruot chu,
A hung tlung tah, hma tieng a hung sawn pel;
Inhai tho ro! lenkawl a hung var tah,
Zaleng lawm par mawi a min tlun rawm ie.
Kan lawm che ie, kumsul puon ang thar chu,
Hlim le lawmin zaiin kan inpak che;
Kan hraw tluong i sungah tui ang nemin,
Hun hlui nekin lawmna min tlun rawh ie.
