A hung inthang sandamtu pieng
KHTB 200
A HMING INTHANG ZUOL RAW SE
A hung inthang Sandamtu pieng,
Bethlehem dai bawngin tlawmah;
Eini suol bawia tang hnunghai,
Mi san suok dingin a hung pieng.
Aw tuhin hung inthang nawk sien,
Ei rawl neisun povin;
Ei ta di'n naute dit-um hung pieng chu,
A nu kawl ngeia ngirin,
"Chunghnung taka ropui raw se"
Tiin zaipui ei tiu;
Ei ta ding naute tlawm tak a hung pieng,
A hming hung thang zuol raw se.
A pieng niin van mi thienghlim,
A pieng hrilin hla an hung rem;
An pakna hla lo sakpui di'n,
Hnuoi mihriem lai hin an um nawh.
Eini mihriem suol nau hman hin,
Ei pieng niin lawmtu ei nei;
Van Lal nau pieng ni lawm dingin,
Aw, tuhin hang fe nghal ei tiu.
Tienlai hnuoiah hung tlawm sien khawm,
Tuhin van chung sang lema khin;
An Lal thu le a hmangai thu,
Van mi tiem seng lovin an puong.
