Aw ka chengna hi hnuoi hmun hi
kHTB 149
KA CHENGNA DING
Aw ka chengna hi hnuoi hmun hi,
Thlaler ram tawl lungngaina chauh;
Khi chung tieng khin la leng ka tih,
Beramte Isu kuoma chun,
Ka chengna ding aw, ka ram khi,
Ka ngai ie lungdit an lengna;
Thlir pei inla tlanhai an,
Zalenna ram inhawi.
Ka tum ka ram, ka chengna ding,
Hnuoia hin inreing inla khawm;
Ka Sandamtu'n anrieng hai di'n,
Lawmna tuikhur hlu a hawng ie.
Aw, ka tlantu i tuorna chu,
Hmangaiin hmu chieng thei inla;
Iengkima ka iengkim i nih,
Ka thlarau di'n iengkim i nih;
Rangkachak tuol mawia leng di'n,
I tuorna hin a man tawk ie;
Aw, i hmangaina a lo nih,
Kei mi rimsi di'n.
Aw, Lal Isu, hmu thei inla,
Lungdithai laituol an lengna;
Kalvari hmangaina zarah,
Chi tin hnam tinhai an lengza;
Kei khawm i rimsikna zarah,
Thlaler ram tawl suoksan ka tih;
Aw, ka Lalpa mi thuoi pei la,
Hmangaina ramah.
Khawvel a ropui le lawmna,
Bo pei a tih, a mawina leh;
Sandamtu kuomah leng ka tih,
A ropuina zamvel a chun;
Hnuoi lawmnahai chu ngai naw ning,
Chun, a hmangai sunga lengin,
Chatuon lawm hla sak tang ei tih,
Beramte hmaah.
