Lungngainain a mi tuom vel
KHTB 122
LUNGNGAI SUMPUI ZING HNUOIAH
Lungngainain a mi tuom vel,
Suolin nitin a mi thlem hlak;
Aw ka ngai che ka Sandamtu dittak;
Ka kulpui le ka himna tak;
Mi hung umpui zing rawh.
Aw, thlir ka tih, Lalpa,
Lungngai sumpui zing sienlakhawm,
Ka thlarau chawlna ding Zion le,
I hmel dit-um chu.
Tuhin parin hung vul nawk la,
Hi khawvel suol inthim lai hin;
Khawvel par nitina lawmtuhai hi,
I hmangaina hril nawn nawk la,
An bohmang phal naw rawh.
Tiena kan lawmna le hlimna,
Ka Lal hmel dit-um hliem hnung ha;
Tuhin par ang lo chul hri sien la khawm,
Aw la hung vul nawk ngei a tih;
Lawma hlim nawk dingin.
Aw, thlir ei tiu Zion khawpui,
Lungdit, lenruolhai an kimna;
Hmangaihai mitthli le ei thehai khan,
Nitin thlirin an mi nghak zing;
Chatuon lawm hla sakin.
