Lampui tiumah Lalpa mi thuoi la
KHTB 63
Lampui tiumah Lalpa mi thuoi la,
Suknawmnatna tam tak laiahai chun;
Hlim hun le lungngai hun laiahai khawm,
Thlarau thienghlim, aw mi thuoi pei rawh.
Thlaler rinum taka ka cheng laiin,
Lalpa Isu, mi thlamuongtu tak khan;
Lampui fel tak le thienghlim taka chun,
Aw Lalpa, mi lo eng pei rawh aw.
Setan le a hratnahai po le chun,
Mi hne dinga an hung thang ruol laiin;
Nghet akin ngir ka tih, Lalpa hmaah,
Thlarau thienghlim, aw mi thuoi pei rawh.
Kan vakhmangna lam chu hla tak a nih,
Ka pa in ka maksan sawt tak a'nthawk;
Tuhin ka hung kir nawk ie, ka Lalpa,
Mi thuoiin mi hung veng pei rawh aw.
