Khawvel par mawi ka kuomah vul hi
KHTB 61
MI THUOI PEI RAWH
Khawvel par mawi ka kuomah vul hi,
Hlip kieng la aw, sumpui zing le hin;
I lam tluna chun bo lovin,
Sakhming lamna Jordan ral tienga khin.
Aw mi hung thuoi pei la,
Suolna khurpui thina thim hnein;
Mi hung thuoi pei la,
Immanuel Lal Isu.
Ram tinah thang khawk sien Lal riengvai,
I hmangaina hung hril pei la aw;
I hming thienghlim chawimawi dingin,
Mi tin hung hril la, Kalvari ang khan.
Lungdit, lenruol inthenna hnuoi hi,
Tapin an rum ka Sandamtu;
Thisen hlua In tlansahai,
Khawvel par mawi lawmin an leng nawk ie.
Lal David zing Arasi var chu,
Hung var nawk la, kan lungrila hin;
Aw suolna kara lenghai hi,
I par tlanin, aw mi hang thuoi nawk rawh.
