Thina ralin hnuoi mihriemhai
KHTB 40
THINA A HNE TAH
Thina ralin hnuoi mihriemhai,
An hmelah lawmna par an tuoitir;
Hring khuoa mi zaleng lai khin,
Tukhawm hre thei an um naw maw?
Van Lal nauvin a hne o tah,
A hmelah hringna thing chu parin;
A zangaina ban mawi ropui chun,
Thinaa mi, mi hung thuoi suok a tih.
Thi ti lei hnuoi mihai,
An dam sunga bawia intanghai;
A hung thuoi suok theina dingin,
Lalin thinan a hung hne zo.
Van Lal Lekha ropui sungah,
Ka hming an lo inchuongtir tam ie;
Thisen hlua thiem chang kan chun,
Tia kan dawn a tul ta nawh.
Van Lal ta dinga ropuiin,
Buoina lal le sumpui ngir hulin;
Thina nuhnung hi hne ve lang,
Lallukhum khawm chang veng ka tih.
Thina ral tieng ka kai ve a,
Thina lal le sum inkieng pha leh;
Arasi khel ram mawia khin,
Hnetu Lalpa chawimawi ka tih.
