Ei pathien sipaihai lungruolin
PATHIEN RAM SIEM DINGIN
Ei Pathein sipaihai, lungruolin,
Indona tha do seng ei tiu;
Ei lungrilah inralthuomin,
Laltak sin thawng ei tiu,
A ram ta ding lakkhawm a tul em ie,
Sipai in-innghil tho unla;
Ral kapin feng ei tiu aw.
Khawvel hi ei Pathien rama siem dingin,
Lungril pein do veng ka ta,
Tiin ban phar tang ka tih,
Thlarau inhmanghai man ei ta,
Thangpui ngai thangpui inla,
Khawvel hi ei Pathien ram hung ning a tih.
Ei Pathien sipaihai, lungruolin,
Hnetu ropui hming put ei tiu;
Ei Lal Isu'n thlemna a ngam,
Kei khawm hne veng ka tih;
Lungril ringumin , hnena puonzar chu,
Ram tina khawm khai pei ei tiu,
Ei Lal ram suklien dingin.
Ei Pathien sipaihai, lungruolin,
Chanchin Tha hi hril seng ei tiu;
Thim al rorel sukvar dingin,
Ei khawnvar sit ei tiu,
Chu chun khawvel ram hi sukvar ei ta,
Thima tluhai hung tho an ta,
Var nauhai hung ning an tih.
Ei Pathien sipaihai lungruolin,
Hmangainain do seng ei tiu;
Thuhnuoirawl le inngaitlawmin,
Tawngtai rawp hlak ei tiu;
Chuongchun, ei hmelhmahai hne ngei ei ta,
Diebol chu hung tlawm tang a ta,
Ei Lalram lien tang a tih.
