I mi hmangai leia Lalpa i tuorna
INPAK EI TIU
I mi hmangai leia Lalpa i tuorna,
Thlir ka ti che, Kalvari tlang chenin,
Hling lukhum khum puma i hmel thisen luong lai,
Ka en ngam naw che, a na taluo Lalpa.
I hmangaina po po,
Thuin ka hril seng nawh;
I hming kan pak ding angin,
Lalpa, aw kan pak thei naw che.
A thlirtu mipuihai laina an um nawh,
"Ka dang a char," tiha a khek lai khan;
Ka Lalpa dangchar pe ding tukhawm an um nawh,
A hni naw lem zu thur le thil kha an pek.
I khum ang hi Lalpa, khum ve an um am?
A mawi naw ie, i ta din hling lukhum;
I van Lallukhum chu khaw lai am a um a?
Suk-elna lal puon sen le hling phier i khum.
A tuor lai hmel enin nghil ruol a ni nawh.
Hnuoi le van Lal, nan gle kei leia maw!
Lungngaina tuor ngai lo, lungngaiin an rum a,
Inpak ei tiu, Hmangaitu Lal ditum chu.
