Leilung hi Lalpa ta a nih
KHB 446
Doh is E♭
PEKIN UM IN TIH
Leilung hi Lalpa ta a nih,
A sunga um hai popo leh;
I hringna khawm a ta a nih,
Mana inchawk i ni ta si;
Inthawina hringa inhlanin,
I taksa'n Pathien chawimawi rawh.
"Pe ro, pe ro, pekin um in tih,
Namden sawimuk liem zar zarin;
Van tukverhai hung hawng ka ta,
Tiemsenglovin malsawm ka ti cheu."
Tlang sangkhat chunga ramsahai,
Chungleng vatehai khawm a ta;
Rahmasa le thil inhlanhai,
Lo hmasuok le ram theirahai;
Khuoizu, ranruol, i thil themsuok,
Sawmapakhat a ta a nih.
Kawmpui chu pasietna a nih,
Lalpa chan pe naw chu inru;
Tawngsephurna chau a lo nih,
Akan anga i chan siet hma'n;
Lalpa kuom tieng hung kir nawk la,
Aman lo ngaidam a ti che.
Semdar chu pungna a lo nih,
Rethei thangpui, Biekin thawlawm;
Ramthim invawi, mikhuol lawm thiem,
Faitham, thawlawm chi tinrenghai;
Bu in sipna le luong liemna,
Malsawmna tinreng hnar a nih.
