I kuomah lawmthu kan hung hril
KHB 442
Doh is G
INNEINA RIMTUI
I kuomah lawmthu kan hung hril, Aw Lalpa,
I dan inthieng chu hlimtaka lawmin;
Kan unauhaiin inneina inthieng an nei,
An inneina hi mi hung hrietpui rawh.
Aw Kana khuo a inneinaah Lalpa,
I thang ang khan vawisun hin hung thang la;
Lungruoltaka kan unauhai inneina hi,
I hmaah rim inhnik inchang raw se.
Pum khat dingin I hmaah kut an insui,
Pathien zawm chu mihriemin the naw sien;
Thi chen i ta dinga ringum a rawngbawl di'n;
I kut inthiengin thuoipei rawh Lalpa.
Hi inneina hin Krista le Kohranhai,
Pumkhatna a lo inentir angin;
In hmangaia, pumkhata cheng hmun zing dingin,
I kutah kan hung inkawltir Lalpa.
I van malsawmnahai an chungah vur la,
Sing ruoka sang tamtakin malsawm la;
Ngilneina le thatna'n an damsung zui pei sien,
An chungah nisa angin var zing rawh.
