Aw pathien nang ngilnei tak
KHB 438
Doh is D
AN INNEINA HI
Aw Pathien, nang ngilnei tak,
Hmangainain i sip;
I malsawmna ropuitak,
An chungah hung vur la.
I ropuina chu thlirin,
I malsawmna chang sien;
Thi chena ringum dingin,
An thutiem hi nghet sien.
Khawvela i hung lai khan,
Kana khuoah i leng;
Inneina i lawmpui khan,
Uoiin i sukpung a.
Tuhin an inneina hi,
Lawmpuiin malsawm la;
Hmangaia insuikhawmin,
I hming inza bawk sien.
Ni tin nangma ring dingin,
Aw Lalpa thangpui la;
Lungngai buoina an tuorin,
Nangman tuorpui zing la.
An damlai nihai tlain,
Khawvel suoksan sienkhawm;
Chatuon chena pumkhatdi'n,
I inah thuoilut rawh.
