Lal immanuel kan inpak che
KHB 437
Doh is D
KAN THLAIHAI KAN INHLAN
Lal Immanuel kan inpak che,
I malsawmnahai kan chungah;
A hung inlang leiin kan lawm,
Lawmthu kan hril che Immanuel;
Kan thlaihai kan hung inhlan hin,
Lawmtakin malsawm la Lalpa,
Hallelui, Amen!
Kan thlaihai i hmaah kan hung in hlan,
I hming ropuina di'n mal hung sawm rawh.
Kan sinthawhai mal hung sawm la,
Lalpa i hming hung insang sien;
I malsawmnahai kan chungah,
Par angin hung par vul raw se;
I lunginsietna zara hin,
Lawmthu i kuomah um raw se,
Hallelui, Amen!
Tiena pi le pu ruol hluihai,
Bu, bal kovin tlang tin an biek;
An lo nghil che Malsawmtu Lal,
I malsawmna tinrenghai leh;
I thilthlawnpekhai kan dawng hi,
Kan inpak che Immanuel,
Hallelui-Amen!
Khawvel thil chi tinrenghai hi,
I kuta um an nih Lalpa;
I lungsietna ropui zarah,
Hnuoi mihai ta dinga siem chu;
Tu chen hin kan chungah an lang,
I hming hung insang zuol raw se,
Hallelui-Amen.
