Kan thlaihai mal i sawm a
KHB 436
Doh is D
Kan thlaihai mal i sawm a,
Lalpa kan lawm em em;
Malsawmna sur hnuoiah kan leng,
Lalpa kan lawm ie;
I malsawmna hlu tak chu,
Kan chungah chatuonin,
Min khumtir rawh.
Kan sinthawhai malsawmin,
I ram hung lien raw se;
Kan bu, kan bal, mal hung sawm la,
I ram lienna di'n;
Khawvel i ram siem chunga,
HIn aw Lalpa Isu,
Mal hung sawm rawh.
Hnam tinin hre hai sien la,
I malsawm pekhai hin;
I ke bulah hung kun an ta,
"Lalpa kan lawm" ti'n,
Hnam tin, chi tin, tawng tinhai,
Leh lawmthu hrilin, aw
Hung kun an tih.
Kan lawm ie, Lalpa chunghnung,
Lawmna hla rem kan tih;
I hming sietna hliekhu dingin,
Lawmin kan inkhawm;
Ropuina le chawimawina,
Chatuon, chatuonin,
Lalpa khum rawh.
