Hun le kumhlui nihai chu
KHB 435
Doh is G
Hun le kumhlui nihai chu,
Dangin muol an liem;
I malsawmna tiemsenglo,
Keinin kan chang tah;
Hrilin hrethiem inlang chu,
I thilthlawnpek kan dawng hi;
Inpak kan nuom a Siemtu,
Van Lal Immanuel.
Nangma lunginsietna le,
Hmangaina zarah;
Hringna chakkhai tinreng le,
Malsawmna kim leh;
Thilsiem thilhring tinrengin,
Ram, par, lo, thlai tin rengin;
I hausakna tiemseng lo,
Kan dawng malsawmna.
I thilsiem le kutsuokhai,
Enin mak kan ti;
Thing tin par ang vul chieiin,
I mawina an lang;
Chungleng, hnuoileng zuva tin;
Khawmuol, thlierkar, tui sungah,
Til tinrengin an dawng hlak,
I van malsawmna.
Lalpa, lawmthu kan hril che,
Nangma kuom ngeiah;
I malsawmna kan dawng hi,
Kan hung inhlan che;
Kan taksa, kan lungrilhai,
Kan sum, kan hratna neisun,
Kan inhlan che hung hmang la,
I rawngbawl dingin.
