Kristien nun hei thlir velin, Mani tha intina le,
Inhril mawina'n a sip zo;Chapona le itthikna'n,
Hmun po po a hluo sip zo,
Lalpa Isu Krista lungril ning a tim?

Hi lungril Krista Isua um kha,
Nangni ngeiah um raw se;

Sin 'rim le phurrik phurhai,
A kuom pan di'n a mi fiel,
Chawlna mi lo peng a tih;
Ama ringkawl vat vein,
A nundan inchuk ei tiu,
Thuhnuorawl, lungrila inngaitlawm a nih.

Kristaa unau dithai, inngaitlawma thuzawm hi,
Krista lungril chu a nih;
Eini khawm Ama ta di'n, lungril hmunkhata umin,
Suk chang ruol lovin nghettakin ngir ei tiu.

Lalpa Isu lungril chu, hmasiel le chapo ngai lo,
Hmangainaa sip a nih;
Mihriem anga insiengin, suok anga hung insiemin,
Thi khawp rauva thuzawmin a um a nih.