"Krista le a Kohranhai ta dingin,"
Ei Lalpa hming mawi hi hung ro inpak ei tiu;
Ama thangpuina le a hratna ringin,
A ram lienna dingin theitawp suong ei tiu.

Krista ei Sandamtu chu,
Krista ei Tlantu chu;
Thisen hlu luong chun Kohranhai,
Lalpa, min silfai le.

"Krista le a Kohranhai ta dingin,"
Ni tinin kraws putin Ama zui pei ei tiu;
Thlarau thilthawtheina ngena tawngtaiin,
Ringumtakin ama rawng bawl pei ei tiu.

Krista le a Kohranhai ta dingin,
Ei sum le ei thilthawtheina inhlan ei tiu;
Hmangai lungril puta inro lo takin,
Ei hun, ei hratnahai khawm inhlan ei tiu.

Krista le a Kohranhai ta dingin,
Ei mawina, insangna, ropuina sieng ei tiu;
Ei theitawp suong ei ta, Thlarau malsawmin,
Sandamtu kona chu la pawm seng an tih.