Thina varuom inthim chu fe thleng dingin,
Sandamtu hmangaina in mi veng a tih;
A beram vengna hmawl chun mi thlamuonin,
"Maksan ta ngai naw ning che" a tih.

Thina ruom chu, thina ruom chu,
Thina ruom inthim chu fe thleng ngei dingin;
Jordan tuifawn vel chun mi sukna naw ni,
Chu chun thlamuongna a um ka hriet.

Thina varuom inthim chu ka khel pha leh,
Buona le lungngaina po po bo a tih;
Ka Lalpa kut hrattak chun mi lo pawmin,
A chun lungngai nawk ta naw ningah.

Thina varuom inthim chu ka fe khel pha,
Zing var ropuitak chu la hang hmung ka tih;
Jordan varal mawitak chu ka kai phaleh,
Hmangaihai hla chu zawm veng ka tih.

Thina varuom ral mawi tieng chu pan peiin,
Ka Lalpa hniekhnung zuiin fe pei ka ta;
Lungngai sum zingna ral chu mi thuoi kaiin,
Varal ram mawia chun chawl ka tih.